Täze eşik geýeňde edilýän doga

1. Ebu Said El-Hudri (Razyýallahu anhu): Allahyň Resuly (Sallallahu aleýhi we sellem) eşigini täzelände onuň adyny tutardy, ýa köýnek, ýa selle, soňra şeýle diýerdi:

“Allahumme lekel hamdu, ente kesewteniýhi, es’eluke min hoýrihi we hoýri mä suniga lehu, we auzu bike min şerrihi we şerri mä suniga leh.”([1])

"اللَّهُمَّ لَكَ الْحَمْدُ، أَنْتَ كَسَوْتَنِيهِ، أَسْأَلُكَ مِنْ خَيْرِهِ وَخَيْرِ مَا صُنِعَ لَهُ، وَأَعُوذُ بِكَ مِنْ شَرِّهِ وَشَرِّ مَا صُنِعَ لَهُ"

Manysy: Eý Allah! Hamdy-sena Saňadyr, Sen muny maňa geýdirdiň, onuň haýryny we (halal zatlarda) ulanmak haýryny Senden dileýärin, onuň şerinden we (haram zatlarda) ulanmak şerinden Saňa sygynýaryn.

2. Muaz ibn Enes (Razyýallahu anhu): Allahyň Resuly (Sallallahu aleýhi we sellem) aýtdy:

“Kim (täze) eşik geýende: Elhamdu lillähil leziý kesäni häzes sewbe we rozokoniýhi min goýri hawlin minniý welä kuwwe, diýse geçen günäleri bagyşlanjakdyr.”([2])

"الْحَمْدُ لِلهِ الَّذِي كَسَانِي هَذَا الثَّوْبَ، وَرَزَقَنِيهِ مِنْ غَيْرِ حَوْلٍ مِنِّي وَلَا قُوَّةٍ"

Manysy: Bu köýnegi maňa geýdirip, men tarapdan güýç-gaýrat sarp etmezden ony (köýnegi) maňa rysgal beren Allaha hamdy-sena bolsun.

([1]) Sahyh Ebu Dawud 4020. ([2]) Sahyh Ebu Dawud 4023.